प्रकरण क्रमांक: (१०) " चार तत्व"

         "मानवधर्म परिचय पुस्तक" (मराठी)

          'सुधारित पाचवी आवृत्ती' प्रकरण क्रमांक (१०) 

 【"चार तत्व"】

      

महानत्यागी बाबा जुमदेवजी हे एका परमेश्वराच्या प्राप्तीसाठी विदेह अवस्थेत असतांना शेवटी एका परमेश्वराने बाबांना दर्शन दिले आणि त्यांना बेइमान म्हटले. त्यानंतर बाबांनी परमेश्वराला इमानदारी आणि निष्काम भावनेने मानवाला परमेश्वराप्राती जागविण्याचे कार्य करीन असे वचन देऊन 'परमात्मा एक' , 'मरे या जिये भगवत् नामपर' हे वचन दिले. भगवंत बाबांवर प्रसन्न झाले आणि त्यांनी बाबांना पुढील दोन वचने दिलीत. 'दु:खदारी दूर करते हुये उध्दार' आणि 'इच्छानुसार भोजन' हीच वचने या मार्गाचे सिद्धांत ठरून बाबांनी भगवतप्राप्तीकरिता, निष्काम कर्मयोग साधण्याकरिता आणि मानवाला जीवनात सफल होण्याकरिता ही चार तत्वे दिली आहेत. 

१.  परमात्मा एक

२.  मरे या जीये भगवत् नामपर

३.  दु:खदारी दूर करते हुये उध्दार

४.  इच्छाअनुसार भोजन

■ १. परमात्मा एक

महानत्यागी बाबा जुमदेवजींनी अशा एका परमेश्वराचे, जो मानवाची सर्व प्रकारची दु:खे दूर करू शकतो, त्याचा शोध घेण्याचे कार्य सुरू केले. तेव्हा त्या परमेश्वराने आकारात येऊन दर्शन दिले. 'तुज आहे तुजपाशी तरी तू भुललासी' या म्हणीप्रमाणे ते बाबांना म्हणाले, "सेवक तु मुझे कहाँ देख रहा है। मै २४ घंटे तेरे पास हूँ। जिस पल छूट जाऊंगा, तेरा शरीर मृत हो जायेगा।" तेव्हा बाबांनी विचार केला की, अशी कोणती वस्तू आहे ज्यामुळे मी जीवंत आहे. तेव्हा त्यांना आत्मा ही वस्तु आठवली. मनुष्याचा आत्मा निघून गेल्यावर त्याचे शरीर मृत होते. शरीर हे नश्वर आहे. आत्मा हा अमर असून तो परमेश्वराचा अंश आहे. संपुर्ण प्राण्यांचा आत्मा मिळून 'एक परमात्मा' आहे. म्हणजेच परमात्म्याचा अंश प्रत्येक जीवात्म्यात आहे. हे बाबांनी ओळखले. म्हणून बाबांनी परमेश्वराला 'परमात्मा एक' मानले. ती आत्मज्योत आहे. जो आत्मा बाबांजवळ आहे तोच आत्मा इतरांजवळ आहे. म्हणजेच सर्व मानव समान आहेत असे बाबा समजतात. त्यामुळे ते कोणालाही आपल्या पायावर डोके ठेवू देत नाहीत. कारण एका आत्म्याच्या समोर दुसरा आत्मा झुकणे हा आत्म्याचा अनादर असून पर्यायाने परमेश्वराचा अनादर आहे. आत्मा चोवीस तास जागृत असून ती निरंतर चैतन्य शक्ती आहे. म्हणून परमेश्वर ही व्यक्ती नसून शक्ती आहे. ती निराकार आहे. ती आकारात येत असली तरी ती अदृश्य आहे. ती दिसत नसून तिचे फक्त गुण दिसतात.

■ २. मरे या जिये भगवत् नामपर

मानव हा पृथ्वीतलावर जन्माला आला तरी तो परमात्म्याचा एक अंश आहे. परमेश्वराने त्याला बुध्दी दिली असून इतर गुणांबरोबर त्याच्यात मोह, माया, अहंकार, निर्माण केला आहे. तो स्वत:ला सर्वेसर्वा समजतो. तो परमेश्वराला मानत नाही. त्यामुळे तो त्याचा बुध्दीचा उपयोग करून मोह, माया, अहंकारात फसतो. ज्यामुळे तो दु:खी होतो. ते दु:ख निवारण करण्याकरिता तो नाना तऱ्हेने उपचार करतो. परंतु जेव्हा त्याचे दु:ख नष्ट होत नाही, तेव्हा मात्र त्याला परमेश्वराची आठवण येते व तो त्याची आराधना करतो. म्हणून महानत्यागी बाबा जुमदेवजी नेहमी सांगतात की, मनुष्य हा सर्वोसर्वा नाही. परमेश्वर ही एक शक्ती आहे. मानव हा कर्मकर्ता आहे त्याने फळाची आशा करू नये. फळ देणारा भगवानच आहे. म्हणुन मानवाने जीवंत असतांना परमेश्वराच्या नावाचे स्मरण करून त्याला प्रिय असणारे कार्य करावे. म्हणजे त्याला मरण आल्यावर त्याचा आत्मा, परमेश्वरात विलीन होतो. अन्यथा तो चौऱ्यांशी योनीत फिरत असतो. त्या आत्म्याला अशांती मिळते आणि लक्ष चौऱ्यांशी भोग येतात. परमेश्वराला समोर ठेवून मानवाचे कार्य केले तर त्याच्या अंगातील मोह, माया आणि अहंकार नष्ट होतात. यालाच म्हटले आहे की, " मरे या जिये भगवत नामपर।"

■ ३. दु:खदारी दुर करते हुये उध्दार

महानत्यागी बाबा जुमदेवजींनी सांगीतले आहे की, मानवाने जर परमेश्वराला प्रिय असणारे कार्य केले. मोह, माया तसेच अहंकाराचा त्याग केला, सर्वांशी सत्य व्यवहार केले, तो मर्यादेने वागला आणि प्रेमाचे आचरण केले तर तो मानव परमेश्वराला नेहमी प्रिय असतो. प्राकृतीक वातावरणामुळे त्याला दु:ख येते, तसेच त्याला जीवन जगताना अनेक प्रकारच्या अडी-अडचणी येतात. अशा वेळेस तो अनेक उपचार करतो. त्यावेळेस परमेश्वरालाच समोर ठेऊन उपचार केले तर त्याचे दु:ख लवकर नष्ट होते आणि त्याच्या अडचणी सहजरीत्या नष्ट होतात. या कामात परमेश्वर त्याला साथ देतो. सरतेशेवटी मानवाला परमेश्वर मुक्ती देतो व त्याला मोक्ष प्राप्त होतो. म्हणजेच मानवाला परमेश्वराच्या चरणी स्थान मिळते. अशा प्रकारे परमेश्वर मानवाचे दुःख दूर करून शेवटी त्याच्या जीवनाचा उध्दार करतो.

■ ४. इच्छा अनुसार भोजन

मानव जन्माला आल्यावर त्याला पूर्ण आयुष्य घालविण्याकरिता खुप गोष्टींची आवश्यकता भासते. तो आपले जीवन सुखी आणि समाधानी कसे बनवु शकेल याकडे त्याचे जास्त लक्ष असते. तेव्हा त्याने भगवंताजवळ त्याला पाहीजे असलेल्या वस्तूंची इच्छा केली आणि परमेश्वराजवळ विनंती केली तर त्याला ती वस्तू सहज सुलभरीत्या मिळते. हेच 'इच्छा अनुसार भोजन' होय. इच्छा अनुसार भोजनाचा अर्थ मानवाला केव्हाही जेव्हा त्याला जे काही खाण्याची इच्छा झाली, तर तेच खायला मिळाले पाहिजे असे नाही. जसे 'असेल माझा हरी, तर देईल पलंगावरी' हे चुकीचे आहे. त्याने ज्याप्रमाणे कार्य केले असेल त्याचप्रमाणे त्याने इच्छा केली तरच त्याला ती वस्तू मिळते. अन्यथा मिळत नाही. म्हणजेच इच्छाअनुसार भोजनाकरिता त्याला त्याप्रमाणे कर्म करणे महत्वाचे आहे.

लिहिण्यात काही चुक भुल झाली असेल तर "भगवान बाबा हनुमानजी" व "महानत्यागी बाबा जुमदेवजी" यांना क्षमा मागतो.

नमस्कार..!

टिप:- ही पोस्ट कुणीही कॉपी करु नये, त्यापेक्षा जास्तीत जास्त शेयर करावी.

■ वरील माहिती मानवधर्म परिचय पुस्तक (मराठी) सुधारित पाचवी आवृत्ती मधील आहे.

■ आपल्या या युवा सेवकांच्या ग्रुप ला जुळण्याकरिता किंवा तुमच्या कुटुंबातील दैवी शक्तीच्या गुणांचा अनुभव "माझा अनुभव" या मालिकेत प्रकाशित करण्यासाठी आम्हाला खालील क्रमांकावर WhatsApp msg करावे ही नम्र विनंती.

★जीवन पाटील: 7020000823

सौजन्य:-

"सर्व सेवक -सेविका"

परमात्मा एक मानवधर्म परिवार

【युवा सेवकांचा ग्रुप】

🌏आम्हाला खालील सोशल मीडियावर भेट अवश्य द्या.

मार्गातील दुर्मिळ अनुभव दररोज वाचण्याकरिता या लिंकवर 👇🏿क्लिक करा.
परमात्मा एक मानवधर्म परिवार [Facebook page]

बाबांचे मार्गदर्शन व मानवधर्म कविता ऐकण्यासाठी या लिंकवर👇🏿क्लिक करा
परमात्मा एक मानवधर्म परिवार [You tube Channel]

वरील अनुभव वाचन केल्यावर आपल्या या ब्लॉगला या खालीलप्रमाणे प्रकारे 'FOLLOW' करा. या पोस्ट च्या खाली जा.
मग,
                    Home म्हणून दिसेल
या खाली view web Version वर क्लीक करा, त्यानंतर आपलं स्वागत बॅनर दिसेल त्या बॅनर चा डाव्या बाजूला निळ्या फ्रेम मध्ये follow बटन आहे. त्यावर क्लिक करा, मग पुन्हा follow बटन लाल कलर मध्ये येईल व सोबत आपली ईमेल id पण दिसेल, मग तिथे लाल बटन असलेलं follow  वर क्लिक करा, त्यानंतर स्वागत बॅनर पेज ओपन होईल तिथे तुम्हाला Unfollow दिसेल याचा अर्थ तुम्ही तुमचं काम परफेक्ट केलं आहे.

टीप: ही माहिती सर्व सेवकांना नक्की शेयर करा. त्यांना पण या भगवत कार्यात सहभागी होण्याची संधी द्या.

📱 FOLLOW करण्यास काही अडचण आल्यास 7020000823 या नंबरवर कॉल किंवा व्हाट्सएप मॅसेज करा.