【"कुटुंबातील सर्व सदस्यांना होते विविध आजार, मानवधर्मात प्रवेश केल्यावर दुःख दूर होऊनी मिळाली परमेश्वरी कृपा अपार"】

                            【"माझा अनुभव"】

   अनुभव क्रमांक: १७४   प्रकाशित दिनांक: १४ नोव्हेंबर २०१६

【"कुटुंबातील सर्व सदस्यांना होते विविध आजार, मानवधर्मात प्रवेश केल्यावर दुःख दूर होऊनी मिळाली परमेश्वरी कृपा अपार"】

माझे नाव "सारिका नेवारे" आहे. आज मी "माझा अनुभव" या अनुभव मालिकेत माझा प्रथम अनुभव 'मार्गात येण्याचे कारण' सादर करीत आहे.

आमचे मार्गात येण्याचे कारण असे आहे की, आम्ही जेव्हा अनेकांत होतो तेव्हा आम्ही दुःखाने ग्रासलेले होतो. माझे वडिल दारू प्यायचे आणि कधी-कधी घरी भांडण करायचे. माझ्या आईला सुद्धा प्रकृतीचा त्रास होता. तिचे नेहमी गुड़घे आणि कंबर दुखायची, अनेक डॉक्टरांकडे उपचार केला तरीही तिचा त्रास दूर होत नव्हता. माझ्या भावाला वाईट संगत लागलेली होती, तो दारू प्यायचा आणि जुगार खेळायचा आणि घरी भांडण करायचा. त्याचे पण पोट दुखायचे आणि माझ्या आजोबाला सुध्दा प्रकृतीचा त्रास होता व त्यांची छाती खुप दुखायची. आमच्या कुटुंबात सुखी कुणीच नव्हते. मला नेहमी चक्कर येत होते आणि डोके खुप दुखायचे आणि पूर्ण शरिरावर सुज यायची.

तेव्हा आई गावातील वैद्याकडे मला घेऊन जायची तरी पण काहीच फायदा होत नव्हता. मग मला डॉक्टरी उपचार सुरू झालेत. तेव्हा मला तात्पुरता आराम व्हायचा आणि परत चक्कर येणे सुरू व्हायचे आणि सुजन यायची. असे करता करता ३-४ वर्ष निघुन गेले. आमच्या गावामध्ये एका सेवकांच्या घरी त्यागाचे हवनकार्य होते. तिथे सेवक चर्चा बैठकमध्ये आपापले अनुभव सांगत होते. ते अनुभव मी ऐकले आणि घरी जाऊन सर्वांना सांगितले की, आपण मार्गात जायचे, पण माझे बाबा आणि भाऊ तयार नव्हते कारण मार्गामध्ये प्रवेश करायच्या आधी घरी असलेल्या सर्व देवी-देवतांच्या मूर्तीचे व प्रतिमेचे विसर्जन करावे लागते.

पण आई आणि मी हट्ट धरला तेव्हा सर्व कुटुंब तयार झाले. मग आम्ही सर्व सदस्य ब्रम्हपुरीचे मार्गदर्शक श्री. विश्वासरावजी ऊईके यांच्याकडे गेलो आणि सर्वांनी आपापले दुःख सांगितले, तेव्हा मार्गदर्शकांनी आम्हाला मार्गात वचनबद्ध करून ३ दिवसांचे साधे कार्य दिले व ते रुपरेषेप्रमाणे करून आम्हाला समाधानी वाटू लागली. 

मग ७, ११, २१ दिवसांचे साधे कार्य मिळाले. पण माझे दुःख परिपूर्ण दुर होत नव्हते. कारण मी माझ्या ताईच्या घरुन निर्मला माताचे पुस्तक वाचायला आणले होते व त्यामुळे एक प्रकारची भावना मनात बाळगली होती, पण ती चुक आमच्या लक्षात येत नव्हती. मग आम्ही मार्गदर्शकांकडे गेलो तेव्हा त्यांनी सांगितले की, जुन्या विचारांची कोणती तरी वस्तु तुमच्या घरी आहे. तेव्हा आम्ही पूर्ण घर शोधुन काढले. तेव्हा ते पुस्तक सापडले. नंतर तिचे आम्ही नदीत विसर्जन केले. त्यानंतर आमचे सर्व दुःख दूर झाले,

जेव्हा मला अंगावर सुज यायची ती सुज १०-१५ दिवस  कमी होत नव्हती आणि त्यातच मला अशक्तपणामुळे चक्कर येत असायचे. माझ्यासाठी घरचा एक सदस्य नेहमी असायचा, कारण मला कुठेपण चक्कर येत असे. मग माझे शाळेत जाणे सुध्दा बंद व्हायचे. मला अशी सुज यायची की तिच्यावर डॉक्टरी आणि जन्तर-मन्तर वाल्यांचा सुध्दा उपचार चालत नव्हता. मग ती सुज १५-२० दिवसांनी आपोआप कमी व्हायची.

परत एका महिन्यात अंगावर सुज यायची. फक्त आणि फक्त आम्ही मानव धर्म स्वीकारल्यामुळे आज माझी प्रकृती बरी आहे. भगवान बाबा हनुमानजी आणि महानत्यागी बाबा जुमदेवजींच्या कृपेने आम्ही त्यागाच्या कार्याला सुरुवात केली आणि आमचे त्यागाचे कार्य छान पार पडले व आता घरी सर्व सुख-समाधानी आहे.

लिहिण्यात काही चूक-भूल झाली असेल तर "भगवान बाबा हनुमानजी" व "महानत्यागी बाबा जुमदेवजी" यांना क्षमा मागते.

नमस्कार...!

सेविका :- सारिका नेवारे (राऊत)

पत्ता :- मु. कोसंबी, पो.आवलगाव, ता. ब्रम्हपुरी, जि. चंद्रपुर

सेवक नंबर :- ३४२८२

मार्गदर्शक :- श्री. विश्वासरावजी ऊईके, ता. ब्रम्हपुरी जि. चंद्रपुर

परमपूज्य परमात्मा एक सेवक मंडळ, वर्धमान नगर, नागपूर

■ आपल्या या युवा सेवकांच्या ग्रुप ला जुळण्याकरिता किंवा तुमच्या कुटुंबातील दैवी शक्तीच्या गुणांचा अनुभव "माझा अनुभव" या मालिकेत प्रकाशित करण्यासाठी आम्हाला खालील क्रमांकावर WhatsApp msg करावे ही नम्र विनंती.

◆ जीवन एस. पाटील: 7020000823

टिप:- ही पोस्ट कुणीही कॉपी करू नये, त्यापेक्षा  जास्तीत जास्त शेयर करावी.

सौजन्य:-

"सर्व सेवक-सेविका"

परमात्मा एक मानवधर्म परिवार

【युवा सेवकांचा ग्रुप】

🌏आम्हाला खालील सोशल मीडियावर भेट अवश्य द्या.

मार्गातील दुर्मिळ अनुभव दररोज वाचण्याकरिता या लिंकवर 👇🏿क्लिक करा.
परमात्मा एक मानवधर्म परिवार [Facebook page]

बाबांचे मार्गदर्शन व मानवधर्म कविता ऐकण्यासाठी या लिंकवर👇🏿क्लिक करा
परमात्मा एक मानवधर्म परिवार [You tube Channel]

वरील अनुभव वाचन केल्यावर आपल्या या ब्लॉगला या खालीलप्रमाणे प्रकारे 'FOLLOW' करा. या पोस्ट च्या खाली जा.
मग,
                    Home म्हणून दिसेल
या खाली view web Version वर क्लीक करा, त्यानंतर आपलं स्वागत बॅनर दिसेल त्या बॅनर चा डाव्या बाजूला निळ्या फ्रेम मध्ये follow बटन आहे. त्यावर क्लिक करा, मग पुन्हा follow बटन लाल कलर मध्ये येईल व सोबत आपली ईमेल id पण दिसेल, मग तिथे लाल बटन असलेलं follow  वर क्लिक करा, त्यानंतर स्वागत बॅनर पेज ओपन होईल तिथे तुम्हाला Unfollow दिसेल याचा अर्थ तुम्ही तुमचं काम परफेक्ट केलं आहे.

टीप: ही माहिती सर्व सेवकांना नक्की शेयर करा. त्यांना पण या भगवत कार्यात सहभागी होण्याची संधी द्या.

📱 FOLLOW करण्यास काही अडचण आल्यास 7020000823 या नंबरवर कॉल किंवा व्हाट्सएप मॅसेज करा.