प्रकरण क्रमांक: १९ "डॉ. मनो ठुब्रिकर"

                "मानवधर्म परिचय पुस्तक" (मराठी)

          'सुधारित पाचवी आवृत्ती' प्रकरण क्रमांक (१९) 

   

                         【"डॉ. मनो ठुब्रिकर"】

महानत्यागी बाबा जुमदेवजींनी मानवास जागविण्याचे कार्य प्रथम आपल्या कुटुंबापासून केले. बाबांच्या शब्दांचा अनादर केल्यास त्याचे काय परिणाम होतात हे मागील प्रकरणात आपण पाहिले. आता त्यांच्या शब्दांचा आदर केल्यास त्याचे काय परिणाम होतात ते या प्रकरणात पाहू.

परमेश्वरप्राप्तीच्या अगोदर बाबा जुमदेवजी आणि आई सौ. वाराणसीबाई यांच्या पोटी तीन अपत्ये जन्माला आलीत. परंतु त्यातील दोन अपत्ये भूतबाधेमुळे (अंधश्रद्धा) लहानपणीच परमेश्वरात विलीन झालीत आणि एकच अपत्य जीवंत राहिले. त्याचे नाव महादेव असे आहे. यालाच मनो या नावाने संबोधतात.

महादेव हा लहानपणी सर्वसाधारण बुद्धीचा मुलगा होता. एकुलता एक मुलगा असल्यामुळे घरची परिस्थिती हलाखीची असून सुद्धा बाबांची त्या मुलाला जास्तीत जास्त शिकविण्याची इच्छा होती. त्याचे मॅट्रिकपर्यंतचे शिक्षण नागपूर येथील महाल भागात असलेल्या न्यू इंग्लीश हायस्कूलमध्ये झाले. त्यावेळेस तो वर्गात सर्वसाधारण श्रेणीतील मुलगा गणला जात होता. मॅट्रिकची परिक्षा उत्तीर्ण केल्यावर पुढील शिक्षणाकरिता त्याने सायन्स फैकल्टीमध्ये कॉलेजमध्ये प्रवेश घेतला. परंतु बी. एस् सी. पार्ट वनमध्ये शिकत असताना तो वार्षिक परीक्षेत नापास झाला. त्यावेळेस बाबांनी एका भगवंताची प्राप्ती केली होती.

आपल्या मुलाच्या बुद्धीबद्दल बाबांना माहीत असल्यामुळे तो नापास झाला तरी ते त्याला काहीच बोलले नाहीत. उलट, पुढे प्रयत्न कर, परमेश्वर यश देईल असे ते त्याला समजावत होते. कारण बाबांना पूर्ण विश्वास होता की, तो आज नाही तर उद्या निश्चितच प्रगती करील. महादेव नापास झाल्यामुळे खूप उदास झाला. एक दिवस त्याने बाबांना सांगितले की मला आता यापुढे शिकायचे नाही. माझे डोके अभ्यासात चालत नाही. तेव्हा बाबांनी त्याला खूप समजावले की, नापास झालास म्हणून वाईट मानण्याचे काहीच कारण नाही. पुढे तुला जसे जमेल तसा अभ्यास कर. निश्चितच तुला यश येईल. परंतु तो काही ऐकायला तयार नव्हता. त्याने बाबांजवळ हट्टच धरला की, मी शिकत नाही. त्यावर बाबांना खूप वाईट वाटले. ते मनाशी म्हणाले की मी शिकवायला तयार आहे तर हा शिकत नाही. काय म्हणावे याला? आणि त्याच्यावर ते खूप रागावले. ते त्याला म्हणाले की, आमच्या पोटात सपूतच्या ऐवजी 'कपूत' जन्माला आला आहे असे आम्ही समजू आणि तुला जे काही करायचे असेल ते तू कर.

     

वरील 'कपूत' शब्द महादेवच्या अंतःकरणाला खूप बोचला. त्याने बाबांशी क्षमा मागितली आणि शब्द दिला की मी यापुढे निश्चित शिकेन. तसेच बाबा जसे म्हणतील तसे वागीन. नंतर त्याने पुढील शिक्षण पूर्ण करण्याचा चंग बांधला आणि त्यानंतर त्याने कधीही मागे वळून पाहिले नाही. प्रत्येक वर्षी विशेष योग्यता श्रेणीत तो पास होऊ लागला. यामागे बाबांचे वेळोवेळी होणारे मार्गदर्शन, परमेश्वराची कृपा आणि त्याने घेतलेले अथक परिश्रम यांचा सुरेख असा सांधलेला त्रिवेणी संगम होता. त्यावेळेस त्यानेही एका परमेश्वराला मानण्यास सुरूवात केली होती.

"जब भगवान देता है तो छप्पर फाडके देता है" या म्हणीनुसार त्याने बरीच मोठी प्रगती केली. त्याने १९६९ साली विश्वेश्वरय्या रिजनल कॉलेज ऑफ इंजीनियरींग, नागपूर येथून बी.ई. मेटॅलर्जीची पदवी मेरीटमध्ये प्रथम क्रमांकाने उत्तीर्ण केली. या अभियांत्रिकी महाविद्यालयात शिकत असताना त्याला मेरीट स्कॉलरशीप (गुणवत्ता शिष्यवृत्ती) मिळत होती. त्यानंतर त्याला अमेरिकेत अत्यंत नावाजलेल्या न्यूयार्क युनिव्हर्सिटीची मेरीट शिष्यवृत्ती मिळाली आणि १९७१ साली त्याने या युनिव्हर्सिटीची मेटॅलर्जी आणि मटेरिअल सायन्समध्ये एम्.एस. ही पदवी संपादन केली. त्यानंतर तो १९७५ साली येथूनच बायोमेडिकल इंजीनिअरींग या विषयात डॉक्टरेट (पीएच.डी.) ची परीक्षा प्रथम श्रेणीत उत्तीर्ण झाला. यावेळेस सुद्धा त्या देशाची मेरीट शिष्यवृत्ती त्याला मिळत होती.

आज हाच महादेव 'डॉ. मनो ठुब्रीकार' या नावाने अमेरिकेतील युनिव्हर्सिटी ऑफ व्हर्जिनिया मेडीकल सेंटर, व्हर्जिनिया येथे असोसिएटेड प्रोफेसर, डिपार्टमेंट ऑफ सर्जरी आणि डायरेक्टर ऑफ सर्जिकल रिसर्च म्हणून कार्यरत आहे. त्याने तेथे हार्ट व्हाल्व, विशेषतः नार्मल, डिसीज्ड आणि बायोप्रोस्थेटिक ओरटीक व्हाल्व यांवर रिसर्च केलेले आहे. त्याच्या अनेक संशोधनपर लेखांना राष्ट्रीय मान्यता मिळालेली आहे. त्यांनी या विषयावर लिहिलेली बरीच पुस्तके बाहेर देशांतील अनेक युनिव्हर्सिटींमध्ये विद्यार्थ्यांसाठी अभ्यासक्रमाकरिता लागू करण्यात आलेली आहेत. त्यांना न्यूयॉर्क अँकेडमी ऑफ मेडीसीनने मेरीट सर्टिफिकेट आणि नॅशनल इंस्टिट्यूट ऑफ हेल्थ, यु.एस.ए. ने रिसर्च करिअर डेव्हलपमेंट अवार्ड देऊन गौरवान्वित केले आहे. आज ते जगातील नावाजलेल्या प्रथम नऊ शास्त्रज्ञापैकी सातव्या क्रमांकाचे शास्त्रज्ञ आहेत. ते जगात ठिकठिकाणी वरील विषयावर मार्गदर्शन करतात.

याचे श्रेय सर्वस्वी महानत्यागी बाबा जुमदेवजींना आहे. त्यांच्या मार्गदर्शनामुळे आणि त्यांच्या शब्दांचा आदर करून पालन केल्यामुळे आज डॉ. मनो हे अत्युत्तम अवस्थेत असून सर्व गोष्टींनी परिपूर्ण आहेत. यामागे परमेश्वराची शक्ती आहे. बाबा आपल्या मार्गदर्शनात नेहमी सांगतात की, या मार्गात येणारा सेवक पूर्वी कितीही गरीब आणि अनाडी असला तरी सेवक झाल्यावर शिक्षणामुळे उच्च पातळी पर्यंत जाऊ शकतो. तो कधीही दुःखी आणि कष्टी राहू शकत नाही. म्हणून बाबांच्या शब्दांचा आदर करणे आणि त्यांचे तंतोतंत पालन करणे हे प्रत्येक सेवकाचे आद्य कर्तव्य आहे.

लिहिण्यात काही चुक भुल झाली असेल तर "भगवान बाबा हनुमानजी" व "महानत्यागी बाबा जुमदेवजी" यांना क्षमा मागतो.

नमस्कार....

टिप:- ही पोस्ट कुणीही कॉपी करु नये, त्यापेक्षा जास्तीत जास्त शेयर करावी.

■ वरील माहिती मानवधर्म परिचय पुस्तक (मराठी) सुधारित पाचवी आवृत्ती मधील आहे.

■ आपल्या या युवा सेवकांच्या ग्रुप ला जुळण्याकरिता किंवा तुमच्या कुटुंबातील दैवी शक्तीच्या गुणांचा अनुभव "माझा अनुभव" या मालिकेत प्रकाशित करण्यासाठी आम्हाला खालील क्रमांकावर WhatsApp msg करावे ही नम्र विनंती.

जीवन एस. पाटील: 7020000823

सौजन्य:-

"सर्व सेवक -सेविका"

परमात्मा एक मानवधर्म परिवार

【युवा सेवकांचा ग्रुप】

🌏आम्हाला खालील सोशल मीडियावर भेट अवश्य द्या.

मार्गातील दुर्मिळ अनुभव दररोज वाचण्याकरिता या लिंकवर 👇🏿क्लिक करा.
परमात्मा एक मानवधर्म परिवार [Facebook page]

बाबांचे मार्गदर्शन व मानवधर्म कविता ऐकण्यासाठी या लिंकवर👇🏿क्लिक करा
परमात्मा एक मानवधर्म परिवार [You tube Channel]

वरील अनुभव वाचन केल्यावर आपल्या या ब्लॉगला या खालीलप्रमाणे प्रकारे 'FOLLOW' करा. या पोस्ट च्या खाली जा.
मग,
                    Home म्हणून दिसेल
या खाली view web Version वर क्लीक करा, त्यानंतर आपलं स्वागत बॅनर दिसेल त्या बॅनर चा डाव्या बाजूला निळ्या फ्रेम मध्ये follow बटन आहे. त्यावर क्लिक करा, मग पुन्हा follow बटन लाल कलर मध्ये येईल व सोबत आपली ईमेल id पण दिसेल, मग तिथे लाल बटन असलेलं follow  वर क्लिक करा, त्यानंतर स्वागत बॅनर पेज ओपन होईल तिथे तुम्हाला Unfollow दिसेल याचा अर्थ तुम्ही तुमचं काम परफेक्ट केलं आहे.

टीप: ही माहिती सर्व सेवकांना नक्की शेयर करा. त्यांना पण या भगवत कार्यात सहभागी होण्याची संधी द्या.

📱 FOLLOW करण्यास काही अडचण आल्यास 7020000823 या नंबरवर कॉल किंवा व्हाट्सएप मॅसेज करा.